(روزنامہ قدس ـ آنلائن خبر رساں ادارہ)ایرانی وزیر خارجہ عباس عراقچی نے شام پر صہیونی حکومت کی جارحیت پر افسوس کا اظہار کرتے ہوئے کہا ہے کہ یہ واقعہ توقع کے عین مطابق تھا۔
انہوں نے کہا کہ صہیونی حکومت خطے کے ممالک پر جارحیت کا سلسلہ جاری رکھے گی۔ اب اگلا نشانہ کون سا دارالحکومت ہوگا؟ صیہونی درندہ صفت اور بے لگام حکومت کسی حد و قید کو نہیں مانتی اور صرف طاقت کی زبان سمجھتی ہے۔
عراقچی نے کہا کہ عالمی برادری بالخصوص خطے کے ممالک کو اس جارحیت کا خاتمہ کرنے کے لیے متحد ہونا ہوگا۔
وزیر خارجہ نے کہا کہ ایران شام کی خودمختاری اور ارضی سالمیت کی حمایت کرتا ہے اور ہمیشہ شامی عوام کے شانہ بہ شانہ کھڑا رہے گا۔
