(روزنامہ قدس ۔آن لائن خبر رساں ادارہ) عزیر احمد غزالی نے کہا کہ ظالموں نے مسلمانوں کو پاکستان بھیجنے کا جھانسہ دیا اور پھر انہیں بے دردی سے شہید جبکہ ہزاروں مسلمان خواتین کو اغو کیا۔
پاسبان حریت جموں وکشمیر کے چیئرمین عزیر احمد غزالی نے شہدائے جموں کو شاندار خراج عقیدت پیش کیا ہےاور شہدائے جموں کی یاد میں چھ نومبر کو مظفرآباد میں ریلی کے انعقاد کا اعلان کیا
تفصیلات کے مطابق گذشتہ روز پاسبان حریت مقبوضہ جموں و کشمیر کے چیئرمین عزیر احمد غزالی کی جانب سے 1947 ءمیں انتہا پسند ہندو تنظیموں کے کارکنوں اور ڈوگرہ سپاہیوں کے ہاتھوں شہید ہونے والے لاکھوں مسلمانوں کو خراج عقیدت پیش کرتے ہوئے کہا کہ شہیدوں کا خون رائیگاں نہیں جائے گا، ہمارے پیاروں کی قربانیاں کشمیر کی آزادی کی صورت میں بھارت کی شکست بن کر سامنے آئےگی۔
انہوں نے کہا کہ ظالموں نے مسلمانوں کو پاکستان بھیجنے کا جھانسہ دیا اور پھر انہیں بے دردی سے شہید جبکہ ہزاروں مسلمان خواتین کو اغو کیا۔
واضح رہے کہ ڈوگرہ مہاراجہ ہری سنگھ کے سپاہیوں ، بھارتی فوجیوں اور ہندو انتہا پسند تنظیموں کے کارکنوں نے نومبر 1947کے پہلے ہفتے میں جموں خطے میں لاکھوں مسلمانوں کو اس وقت شہید کر دیا تھا جب وہ پاکستان کی طرف ہجرت کر رہے تھے۔