(روزنامہ قدس ۔آن لائن خبر رساں ادارہ ) قابض صہیونی حکا م نے 17 سال اسرائیلی جیل میں گزارنےوالے فلسطینی کو گزشتہ روز رہا کرتے ہوئے ان کے اہلخانہ کے حوالے کردیا۔
مقبوضہ بیت المقدس کے شہر رام اللہ کے قصبے بیت ریما سے تعلق رکھنے والے فلسطینی احمد باجس الریماوی 17 سال "نفحتہ” جیل میں گزارنے کے بعد گزشتہ روز رہا کردیئےگئے جس کے بعدفلسطینیوں کی بڑی تعداد نے ان کا استقبال کیا اور جلوس کی صورت میں سڑکو پر نعرے لگائے ۔
واضح رہے کہ "حجاج ” کے نام سے مشہور احمد باجس الریماوی کو صہیونی فوج نے 5جولائی 2003 میں مقبوضہ بیت المقدس کے شہر رام اللہ میں فلسطینی قانون ساز اسمبلی کے قریب اسرائیلی فوج پر حملے کے الزام میں گرفتار ہوئے تھے، اس جھڑپ میں احمد باجس الریماوی اسرائیلی فوجیوں کی فائرنگ سے زخمی بھی ہوگئے تھے جس کے بعد کئی ماہ اسرائیلی جیل اسپتال میں زیر علاج رہے، اسرائیلی فوج نے ان پر ایک صہیونی آباد کار کے اغوا کا بھی الزام عائد کیا تھا ۔