(روزنامہ قدس ۔آن لائن خبر رساں ادارہ) درجنوں یہودی انتہاپسندوں نے قبلہ اول پر دھاوا بولا اور ریاستی سرپرستی میں مذہبی رسومات کی ادائیگی کے نام پر مقدس مقامات کی بے حرمتی کرتے ہوئے فوٹو سیشن کرائے گئے۔
فلسطین محکمہ اوقاف کی جانب سے جار ی بیان کے مطابق گزشتہ روز صیہونی فوج اور پولیس کے حفاظتی حصار میں درجنوں یہودی آبادکارو اور یہودی مذہبی جنونیوں نے قبلہ اول پر اشتعال انگیز دھاوا بولا اور یہودی مذہبی رسومات کی ادائیگی کے نام پر مسجد اقصیٰ کی بے حرمتی کرتے ہوئے تصاویر بنوائیں ۔
بیان میں کہا گیا ہے کہ صیہونی ریاست کی سرپرستی میں مسلمانوں کے تیسرے مقدس ترین مقام کی روزانہ کی بنیاد پر بے حرمتی اور اشتعال انگیز دھاوے فلسطینیوں سمیت عالم اسلام میں غم غصے اور بے چینی کا سبب ہیں جبکہ یہ عالمی الاقوامی مذہبی حقوق اور اصولوں کی سنگین خلاف ورزی ہے ، بیان میں مذید کہا گیا کہ صیہونی ریاست کے غیر قانونی اور غیر انسانی اقدامات خطے میں امن کی کوششوں کو تباہ کرنے کا باعث بن رہے ہیں ۔