(روزنامہ قدس ۔آن لائن خبر رساں ادارہ) قابض صیہونی فوج اور پولیس کے حفاظتی حصارمیں یہودی جنونیوں کی جانب سے قبلہ اول کی بے حرمتی کا سلسلہ جاری ہے۔
گزشتہ روز قابص صیہونی فوج اور پولیس کے حفاظتی حصار اور ریاستی سرپرستی میں درجنوں یہودی جنونیوں نے مسجد اقصیٰ میں داخل کر مقدس مقام کی بے حرمتی کی، یہودی جنونیوں میں غیر قانونی یہودی آباد کار، یہودی طلباء اور صہیونی خفیہ ایجنسی کے حکام سمیت درجنوں شدت پسند یہودیوں نے مسجد اقصیٰ میں گھس کر بے حرمتی کی۔
یہودی آباد کار الگ الگ گروپوں کی شکل میں قبلہ اول میں داخل ہوئے۔یہودی آباد کاروں کے ہمراہ مسجد اقصیٰ پر دھاوے بولنے والوں میں اسرائیلی اسپیشل فورسز کے اہلکار بھی شامل تھے جو سنہ 1967ء سے زیرقبضہ مراکشی دروازے کے راستے مسجد اقصیٰ میں داخل ہوتے اور مقدس مقام کی بے حرمتی کرتے رہے۔
واضح رہے کہ مسجد اقصیٰ پر یہودی آباد کاروں کے منظم دھاووں کا سلسلہ روز کا معمول بن چکا ہے۔ یہودی انتہا پسند گروپ ہیکل سلیمانی کے مزعومہ دعوے کی آڑ میں مراکشی دوازے سے مسجد اقصیٰ میں جاتے اور باب السلسلہ سے واپس جاتے ہیں۔