(روزنامہ قدس ۔آن لائن خبر رساں ادارہ) گزشتہ ماہ 25 فلسطینی بچوں کو قید کیا گیا، ان میں سے 15 کو گھروں سے اغواء کرکے صیہونی عقوبت خانوں میں ڈالا گیا۔
فلسطینی محکمہ امور اسیران کی طرف سے جاری کردہ ایک رپورٹ میں انکشاف کیا گیا ہے کہ قابض صہیونی حکام اور اسرائیلی عدالتوں کی طرف سے فلسطینی بچوں کی گرفتاری کے ساتھ انہیں بھاری جرمانوں کی سزائیں دینے کا ظالمانہ سلسلہ جاری ہے جبکہ گزشتہ ماہ نومبر میں صہیونی حکام نے جیلوں میں ڈالے گئے فلسطینی بچوں سے 19 ہزار 100 شیکل کی رقم بٹوری گئی۔ یہ رقم ‘عوفر’جیل میں قید بچوں سے جرمانوں کی مد میں لی گئی۔
فلسطینی محکمہ امور اسیران کے مطابق گزشتہ ماہ نومبر میں صیہونی فوج نے 25 فلسطینی بچوں کو قید کیا گیا جبکہ 15 کو ان کے گھروں سے اٹھا کر جیل میں قید کیا گیا ۔
واضح رہے کہ اسرائیل کے دو درجن سے زاید عقوبت خانوں میں 200 سے زاید فلسطینی بچے قید ہیں ہیں۔ زیادہ تر بچے عوفرت، مجد، دامون اور عسقلان میں قید ہیں۔ صرف عوفر میں قید بچوں کی تعداد 72 بتائی جاتی ہے۔