(روزنامہ قدس ۔آن لائن خبر رساں ادارہ ) اسرائیلی وزیر صحت نے کہا ہےکہ ہم عالمی وباء کورونا وائرس کی دوسری خطرناک لہر کا سامنا کررہے ہیں جس کے باعث تمام شادی ہال، تقریبات کے مراکز، عبادت گاہیں اور عوامی اجتماعات کے مقامات کو بند کرنا پڑرہا ہے ۔
اطلاعات کے مطابق گزشتہ روز مقبوضہ فلسطین کی قابض حکومت کے صہیونی وزیر صحت یعقوب لٹزمان نے ایک پریس کانفرنس سے خطاب کرتے ہوئےمطلع کیا ہےکہ اسرائیل کوعالمی وباء کوروناوائرس کی دوسری خطرناک لہرکا سامنا ہے ان کا کہنا تھا کہ گذشتہ 3 روز میں 668 کیسز سامنے آئے ہیں جس کے بعد نئی پابندیاں عائدکی جا رہی ہیں۔
صہیونی وزیر صحت نےکورونا وائرس سے حفاظت کےنئےحکومتی لائحہ عمل کے حوالے سے بتایا کہ کوروناوائرس کی دوسری لہر کے آغاز میں عوام کی حفاظت کے پیش نظر تمام شادی ہال، تقریبات کے مراکز، عبادت گاہیں اور دیگر عوامی اجتماعات کے مقامات کو بندکیا جارہا ہے ۔
واضح رہے کہ صہیونی حکومت نے 4 مئی کو کورونا وائرس کے مریضوں کی تعداد میں کمی کے بعد لاک ڈاؤن اور دیگر پابندیاں اٹھا دی تھیں، تاہم اسرائیل میں اب تک کورونا وائرس کے کل متاثرہ مریضوں کی تعداد 23 ہزار 639 ہوگئی ہے۔ ان میں 6 ہزار 265 کی حالت خطرے سے باہر ہے جب کہ 318 مریض ہلاک اور 17 ہزار 52 صحت یاب ہوئے ہیں۔