(روزنامہ قدس ۔آن لائن خبر رساں ادارہ) صیہونی وزارت صحت کے مطابق کورونا وائرس کے شکار صہیونیوں کی تعداد 1656 ہوگئی ہے، جبکہ وائرس نے صیہونی فوجیوں کو بھی اپنی لپیٹ میں لے لیا ہے ، 25 فوجیوں کے متاثر ہونے کی تصدیق۔
صیہونی وزیر صحت کی جانب سے جاری رپورٹ کے مطابق کورونا وائرس کا شکار ہونے والے اسرائیلی فوجیوں کی تعداد میں مزید پانچ کا اضافہ ہوا ہے جس کے بعد کرونا وائرس کا شکار ہونے والے فوجیوں کی تعداد 25 ہوگئی ہے، کورونا وائرس کا شکار ہونے والے بیشتر فوجیوں کی زندگی خطرے سے باہر ہے جبکہ 6 ہزار اسرائیلی فوجیوں کو قرنطینہ کیا گیا تھا۔
دوسری جانب صیہونی سرکاری ریڈیو میں پر نشر کی گئی ایک رپورٹ میں بتایا گیا تھا کہ اسرائیلی وزارت صحت کے مطابق قابض ریاست میں کورونا وائرس کے شکار صہیونیوں کی تعداد 1656 ہوگئی ہے