(روز نامہ قدس ۔آنلائن خبر رساں ادارہ ) قابض صیہونی فوج نے دنیا بھر میں تیزی سے پھیلنے والےکورونا وائرس کے خطرے کے پیش نظر فلسطین کے علاقوں غرب اردن اور مقبوضہ بیت المقدس کو اردن سے ملانے والی الکرامہ گذرگاہ دو طرفہ آمدو رفت کے لیے سیل کردی ہے۔
اسرائیلی فوج کے ترجمان کمیل ابو رکن نے بتایا کہ الکرامہ گذرگاہ کو دوطرفہ آمدو رفت کے لیے بند کردیا گیا ہے جس کو صرف ہنگامی صورت حال میں مسافروں کی آمدو رفت کے لیے کھولاجائے گا، تاہم جب تک کرونا وائرس کا خطرہ برقرار ہے اس وقت تک الکرامہ گذرگاہ کو بند رکھا جائے گا۔
خیال رہے کہ الکرامہ گذرگاہ غرب اردن اور اردن کو زمینی راستے سے ملانے کا اہم ذریعہ ہے۔اسرائیلی فوجی عدیدار کا کہنا تھا کہ جو اردنی اس وقت غرب اردن میں موجود نہیں انہیں بھی صرف ہنگامی صورت حال میں واپس بھیجا جائے گا۔