(روزنامہ قدس ۔آن لائن خبر رساں ادارہ) صہیونی ریاست کے میڈیا کا دعویٰ ہے کہ فلسطینی نوجوان نے اسرائیلی فوجی پر چاقو سے حملہ کیا جس میں صہیونی فوجی معمولی زخمی ہوا ۔
قابض صہیونی ریاست کے میڈیا ذرائع کا دعویٰ ہے کہ گذشتہ روز یافا شہر میں ایک فلسطینی نوجوان نے چیک پوسٹ کے قریب موجود ایک اسرائیلی فوجی پر چاقو سے حملہ کیا جس کے نتیجے میں اس کو بازو پر معمولی زخم آئے ،حملے کے بعد فلسطینی نوجوان کو موقع سے گرفتار کرلیا گیا۔
مقامی ذرائع کا کہنا ہے کہ قابض صہیونی فورسز نے ایک فلسطینی نوجوان کو اس وقت گرفتار کیا جب وہ اسرائیلی چیک پوسٹ کے قریب سے گذررہا تھا ، ذرائع کا کہنا ہے کہ نوجوان کی جانب سے فوجی پر حملہ بعد میں کیا گیا پہلے اسرائیلی فوجی نے تضحیک آمیز رویے سے اس کو روکا اور تلاشی لینے کےبعد تشدد کیا جس پر نوجوان مشتعل ہوگیا اور فوجی اہلکار پر حملہ کردیا ، عینی شاہدین کا کہنا ہے کہ نوجوان کسی بھی طرح کے ہتھیار کے بغیر تھاتاہم اسرائیلی میڈیا کا کہنا ہے کہ فلسطینی نوجوان نے چاقوسے حملہ کیاتھا۔
نوجوان کی تاحال شناخت نہیں ہوسکی ہے اور ناہی اسرائیلی حکام کی جانب سے کوئی اطلاعات فراہم کی گئی ہیں فلسطینی نوجوان کو نامعلوم مقام پر منتقل کردیا گیا ہے ۔