(روز نامہ قدس ۔آنلائن خبر رساں ادارہ ) نیتن یاھو کو 52 نشستوں پر کامیابی ملی ہے جبکہ ان کی حریف جماعتیں 56 نشستں حاصل کرنے میں کامیاب ہوگئی ہیں، نیتن یاھو کو61 نشستوں کی اکثریت کیلئے منصور عباس کے ساتھ ساتھ مذہبی قوم پرست نیفتالی بینیٹ کی حمایت بھی درکار ہوگی جس کے پاس 7 نشستیں ہیں۔
سرکاری نشریاتی ادارے کی رپورٹ کے مطابق قابض صیہونی ریاست کے پارلیمانی (کنیسٹ ) کے انتخابات میں نیتن یاھو کی حکمران جماعت "لیکود” پارٹی نے 120 نشستوں میں سے 52 نشستیں حاصل کی ہیں جبکہ نیتن یاھو کی سیاسی حریفوں نے 56 نشستیں حاصل کی ہیں اس طرح وزارت عظمیٰ تک پہنچنے کیلئے نیتن یاھوکو کل 61 نشستیں درکار ہیں اوریہ سیٹیں اسلام پسندیونائیٹڈ عرب لسٹ کی حمایت کے بغیرممکن نہیں ہے۔
سیاسی تجزیہ کاروں کا کہنا ہے کہ نیتن یاھو کی جماعت ایک سخت گیر شدت پسند جماعت ہے جس میں اسلام مخالفت معمول ہے ایسی صورتحال میں نیتن یاھو کی کمپنی نظریاتی طور پر تقسیم کا شکار ہے جس کے باعث انفرادی طور پر منصور عباس کو اتحاد میں شامل کرنا بہت مشکل ثابت ہوسکتا ہے۔