(روزنامہ قدس ۔آن لائن خبر رساں ادارہ) ملایشیاء میں مختلف جماعتوں کی اپیل پر مقبوضہ فلسطین میں قابض ریاست کے خلاف اور فلسطینیوں کے ساتھ اظہار یکجہتی کیلئے اقوام متحدہ کے دفتر کے سامنے پر امن احتجاجی مظاہرہ کیا گیا۔
ملایشیاء دارالحکومت کوالالمپور میں اقوام متحدہ کے دفتر کے سامنے غاضب صیہونی ریاست اسرائیل کے مظالم کے خلاف اور مظلوم فلسطینیوں کے حق میں مختلف جماعتوں کی اپیل پر احتجاجی مظاہرہ کیا گیا جس میں ملائیشیا میں فلسطین کے سفیر ولید ابو علی نے بھی شرکت کی ۔
اس موقع پر فلسطین کے سفیر ولید ابو علی نے فلسطینی عوام کے ساتھ اظہار یکجہتی کیلئے ملائیشیا کے عوام کا شکریہ ادا کرتے ہوئے کہا کہ مقبوضہ فلسطین میں غیر قانونی یہودی بستیوں کی تعمیر تشویشناک ہے اس حوالے سے عالمی برادری کو ذمہ داریوں پر عمل کرنے کی ضرورت ہے۔