(روز نامہ قدس ۔آنلائن خبر رساں ادارہ ) فلسطینی وزارت صحت نےکہا ہے کہ صحت کی ناکافی سہولیات کے باعث مقبوضہ فلسطین میں صورتحال تشویشناک حد تک بگڑ رہی ہے، گذشتہ چوبیس گھنٹوں کے دوران کورونا سے 2247 افراد کے متاثر ہونے کی تصدیق کی گئی جبکہ 21 افراد جاں بحق ہوئے.
مقبوضہ فلسطین کی وزیرصحت می الکیلہ نے عالمی برادری کو مقبوضہ فلسطین میں ناکافی طبی سہولیات پر خبردار کرتےہوئے کہا ہے کہ اگر فوری اقدامات نہ کیے گئے تو صورتحال کو سنبھالنا مشکل ہوجائے گا، انھوں نے بتایا کہ مقبوضہ فلسطین کے مختلف علاقوں میں گذشتہ چوبیس گھنٹوں کے دوران عالمی وباکورونا وائرس سے 2247 نئے مریضوں کی تصدیق کی گئی جبکہ 21 افراد مہلک وائرس کا شکار ہونے کے بعد جاں بحق ہوگئے۔
کورونا سے جاں بحق ہونےو الے افراد کی تفصیلات بتاتے ہوئے وزیرصحت نے بتایا کہ گذشتہ چوبیس گھنٹوں کے دوران عالمی وباء سے غرب اردن میں 17 جبکہ محصور شہر غزہ میں چار افراد جاں بحق ہوئے جبکہ مقبوضہ بیت المقدس اور اس کے اطراف میں53، قلقیلیہ میں 88، نابلس میں 269، طولکرم میں134، بیت لحم میں 90، الخلیل میں 194، جنین میں 166، طوباس میں 38، اریحامیں 13، رام اللہ البیرہ میں 166، سلفیت میں 26، غزہ میں 248 اور بیت المقدس میں 389 نئے متاثرین کی تصدیق کی گئی۔