(روز نامہ قدس ۔آنلائن خبر رساں ادارہ ) فلسطینی وزارت صحت کی جانب سے جاری کردہ یومیہ رپورٹ میں بتایاگیا ہے کہ عالمی وبا کورونا وائرس کی روک تھام کے تمام حکومتی اقدامات کے باوجود ملک میں کورونا وائرس کے کیسز میں اضافہ دیکھنے میں آرہا ہے اور گذشتہ چوبیس گھنٹوں کےدوران مہلک وائرس سے مزید 20 افراد جاں بحق ہوگئے ہیں۔
رپورٹ میں بتایاگیا ہے کہ مقبوضہ غرب اردن کے علاقے میں 1272، محصور شہر غزہ میں کورونا وائرس کے 1081 نئے کیسز کی تصدیق کی گئی ہے جبکہ اس دوران 1956 مریض صحت یاب بھی ہوئے۔
رپورٹ کے مطابق غرب اردن اور مقبوضہ بیت المقدس کے مختلف علاقوں میں چوبیس گھنٹوں کےدوران کورونا وائرس سے متاثر ہونے والے 13مریض جان کی بازی ہار گئے جبکہ غزہ شہر میں7 افرادمہلک وائرس کا شکار ہوکر جاں بحق ہوئے ساتھ ہی 1081 نئے مریضوں کی تصدیق کی گئی۔
مقبوضہ فلسطین میں عالمی وبا کورونا وائرس سے متاثر ہونے والے افراد کا تناسب 89 اعشاریہ 6 فیصد، فعال کیسز 9 اعشاریہ 3 فیصد اور اموات ایک اعشاریہ ایک فیصد ہیں جبکہ فلسطین کے مختلف اسپتالوں میں کورونا کے 209 مریضوں کی حالت تشویشناک اور 68 مریض وینٹی لیٹر پر ہیں۔