(روز نامہ قدس ۔آنلائن خبر رساں ادارہ )صہیونی ریاست میں صہیونی فوجی بےگناہ فلسطینی باشندوں کے گھروں میں داخل ہوکر تشدد کا نشانہ بنایا اور بڑے پیمانے پر ان کی املاک کو بھی نقصان پہنچایا۔
اطلاعات کے مطابق گزشتہ روزقابض ریاست میں علی الصبح جینن کے علاقے جبع میں صہیونی غاصب فوجیوں نے فلسطینی باشندوں کے گھروں پر حملہ کیا اور ان کے گھرو ں میں داخل ہوکر روائیتی توڑ پھوڑ کے بعد متعدد فلسطینی باشندوں کو تشدد کا نشانہ بنایا ۔
صہیونی فوج کےفلسطینی باشندوں کو بغیر کسی جرم کے تشدد کا نشانہ بنائے جانے اور بڑے پیمانے پر ان کی املاک کو نقصان پہنچانے کے خلاف علاقےمیں صہیونی ریاستی دہشت گردوں کے خلاف احتجاجی مظاہرہ کیا گیا جس میں شامل فلسطینی باشندوں نے قابض ریاست کے خلاف شدید نعرے بازی کی تاہم قابض فوج کی پر تشدد جوابی کارروائی کے نتیجے میں مظاہرین کو منتشر ہونا پڑا ۔
خیال رہے کہ غاصب ریاست میں صہیونی فوجیوں کے تشدد کے نتیجے میں درجنوں افراد کے زخمی ہونے کی اطلاعات وصول ہوئی ہیں جبکہ فلسطینی باشندوں کو بغیر کسی جرم کے گھروں سے باہر نکال کر زدوکوب کرنے کی رپورٹ کسی قانونی ادارے کی جانب سے درج نہیں کی گئی ہے ۔