(روز نامہ قدس ۔آنلائن خبر رساں ادارہ ) صہیونی ریاست کے خلاف احتجاجی مظاہرے میں فلسطینیوں نے قابض ریاست اور صہیونی فوج کے خلاف نعرے لگائے جس کے نتیجے میں صہیونی فوج نے کئی بے گناہ فلسطینیوں کو حراست میں لے لیا۔
ذرائع کے مطابق گذشتہ روز قابض ریاست اسرائیل میں مغربی کنارے کے جنوبی شہر الخلیل میں عین البیضا کے مقام پرمقامی فلسطینی باشندوں کی جانب سے صہیونی غیر قانونی آبادکاری اور اسرائیلی فوج کے غاصبانہ قبضے کے خلاف احتجاجی مظاہرے کیے جس میںقابض فوج کے ہاتھوں بے گھر ہونے والے ہزاروں افراد نے شرکت کی۔
صہیونی ریاست کے خلاف احتجاجی مظاہرے میں فلسطینیوں نے قابض ریاست اور صہیونی فوج کے خلاف نعرے لگائےاور بے گھر ہونے والے فلسطینیوں کے لیے مناسب متبادل قیام گاہوں کا مطالبہ کیا جس کے نتیجے میں صہیونی فوج نےفلسطینی مظاہرین پر طاقت کا بدترین استعمال کر تے ہوئے بھاری مقدار میں آنسو گیس کی شیلنگ کی، قابض فوج کی جانب سے مظاہرین کو منتشر کرنے کے دوران بدترین تصادم ہوا جس میں صہیونی فوج نےبراہ راست فائرنگ کیاور درجنوں افراد کو حراست میں لے لیاساتھ ہی فائرنگ سے کم سے کم 15افراد زخمی ہوگئے جبکہ آنسو گیس کی شیلنگ سے کئی لوگوں کو دم گھٹنے کی شکایت کے باعث ہسپتال منتقل کیا گیا۔