(روز نامہ قدس ۔آنلائن خبر رساں ادارہ ) گذشتہ 24 گھنٹوں کے دوران مقبوضہ فلسطینی علاقہ غزہ میں کورونا وائرس کا شکار ہونے والے افراد کی کل تعداد 1673 ہوگئی ہے۔
فلسطینی وزارت صحت کی جانب سےکورونا وائرس کے حوالے سے جاری کردہ یومیہ رپورٹ کے مطابق مقبوضہ فلسطین کے محصور علاقے غزہ میں گذشتہ 24 گھنٹوں کے دوران کورونا کی جانچ کے لیے افراد کے 3400 کورونا ٹیسٹ کیے گئے جن میں 1673 افرادمیں وبا سے متاثر ہونے کے اثرات پائے گئے ہیں جبکہ11 افراد جان کی بازی ہار گئے اس کے ساتھ ساتھ کورونا وائرس سے 592 افراد کے صحت یاب ہونے کی مصدقہ اطلاعات موصول ہوئی ہیں۔
فلسطینی محصور علاقہ غزہ کی پٹی میں عالمی وبا کورونا وائرس کے پھیلاؤ سےایک ماہ کے دوران متاثرہ افراد کی کل تعداد 78980 بتائی جاتی ہے جبکہ 60404مریض شفایاب ہوئے ہیں البتہ وبا کے باعث جاں بحق ہونے والوں کی مجموعی تعداد661 بتائی جاتی ہے۔