(روز نامہ قدس ۔آنلائن خبر رساں ادارہ ) 2000 ءسے اب تک قابض حکام العراقیب کو 186 مرتبہ نشانہ بنا چکی ہے اور یہاں صہیونی آباد کاروں کی بستی کی تعمیر کے لیے گاؤں کو خالی کرانے کی کوششیں جاری ہیں جس کے باعث گاؤں کو مسمار کیا جاتا ہے۔
مقامی فلسطینی ذرائع کے مطابق گذشتہ روزمقبوضہ فلسطین میں اسرائیلی حکام کی جانب سے 186 ویں مرتبہ العراقیب گاؤں کو مسمار کردیا گیا۔
اس حوالے سےمقامی عہدیدار نے بتایا کہ صہیونی پولیس نے گاؤں پر چھاپہ مارکارروائی کر تے ہوئے مقامی لوگوں کو ایسے موقعے پر گھروں سےبے دخل کردیا جبکہ دوروز کے دوران پورے فلسطین میں شدید ہیٹ ویوو پھیل رہا ہے اور لوگ اپنے گھروں میں بھی گرمی کی شدید مشکلات کا شکار ہیں تاہم اسرائیلی حکام نےفلسطینیوں کے ساتھ کوئی رعایت نہ کرتے ہوئے انہیں بے گھر کردیا ہے اور اس سال یہ حملے پانچ بار ہوئے ہیں جن میں فلسطینیوں کے گھروں کو مکمل مسمار کر کے صہیونی فوج نے انہیں بے گھر کیا ہے۔
فلسطینی عہدیدار نے مزید بتایا کہ 2000ء سے اب تک قابض حکام العراقیب کو 186 مرتبہ نشانہ بنا چکی ہے اور یہاں صہیونی آباد کاروں کی بستی کی تعمیر کے لیے گاؤں کو خالی کرانے کی کوششیں جاری ہیں جس کے باعث گاؤں کو مسمار کیا جاتا ہے تاہم مقامی لوگ اپنی زمین پر اپنے خیمے دوبارہ بنواتے ہیں اور صہیونی حکام کے اس جبری اقدام کا مقابلہ کر تے ہیں۔