(روزنامہ قدس ۔آن لائن خبر رساں ادارہ) عالمی وباء کورونا کے مسلسل پھیلاؤ نے جہاں دنیا بھر کی معیشت کو تباہ کیا اور متعدد اموات ہوئیں وہیں صہیونیوں کے ہاتھوں پہلے سے تباہ شدہ مقبوضہ فلسطین کو ہلا کے رکھ دیا ہے۔
اطلاعات کے مطابق مقبوضہ بیت المقدس میں گذشتہ 48 گھنٹوں کے دوران عالمی وباء کورونا وائرس کے متاثرین میں اضافہ دیکھنے میں آیا ہے اور تعداد 368 تک جا پہنچی ہے جبکہ 3افراد کی ہلاکت کی اطلاعات موصول ہوئی ہیں جبکہ تیزی سے پھیلتی ہوئی کورونا کی وباء کے نتیجے میں روزانہ کی بنیاد پر متاثرین سامنے آرہے ہیں ۔