(روزنامہ قدس ۔آن لائن خبر رساں ادارہ) صہیونی فوجی اہلکاروں نے متعدد فلسطینی باشندوں کو تلاشی کے بہانے گھروں سے نکال کربدترین تشدد کانشانہ بناتے ہوئے اغوا کے بعد نامعلوم مقام پر منتقل کر دیا جن کے حوالے سے تاحال کوئی اطلاعات ماصول نہیں ہوئیں ہیں۔
اطلاعات کے مطابق قابض صہیونی فوج کی جانب سے علی الصبح مقبوضہ بیت المقدس کے شمال میں شعفاط کیمپ پر دھاوا بول کر دہشت گرد کارروائی کی گئی جس کے نتیجے میں صہیونی فوجی اہلکاروں نے متعدد فلسطینی باشندوں کو تلاشی کے بہانے گھروں سے نکال کربدترین تشدد کانشانہ بناتے ہوئے اغوا کے بعد نامعلوم مقام پر منتقل کر دیا تاہم علی الصبح فلسطینی کیمپ پر صہیونی حملے کے نتیجے میں فلسطینی باشندوں کی جانب سے بھی احتجاجی مظاہرے کیے گئے اور صہیونی فوج کی ظالمانہ کارروائیوں کے خلاف مقامی باشندوں نے شدید نعرے بازی کی ۔
فلسطینی مظاہرین کو روکنے کے لیے صہیونی فوج کی جانب سے ایک مرتبہ پھر طاقت کا استعمال کرتے ہوئے ربڑ کی گولیوں کا استعمال کیا گیا جبکہ مظاہرین کو منتشر کر نے کے لیے بھاری مقدار میں آنسو گیس کی شیلنگ کی گئی جس کے باعث متعدد افراد کو سانس گھٹنے اور آنکھوں کی تکلیف کا سامنا کرنا پڑا ۔
واضح رہے کہ صہیونی فوج روزانہ کی بنیاد پر فلسطینی پناہ گزین کیمپوں پر دہشت گردانہ دھاوے بول کر مظلوم فلسطینی باشندوں کو تشدد کا نشانہ بنانے کے ساتھ ان کی املاک کو بھی ہر طرح کا نقصان پہنچاتی ہے ۔