(روزنامہ قدس ۔آن لائن خبر رساں ادارہ) ارض مقدس میں قابض صہیونی قبضے کے خلاف احتجاج کے دوران صیہونی فوجیوں کی فلسطینی نوجوانوں، بچے اوربوڑھوں پر بلاتفریق فائرنگ سے قلقیلیہ میں خوف و ہراس، فائرنگ سے فلسطینی نوجوان زخمی۔
گزشتہ روز مقبوضہ فلسطین کےمغربی کنارے کے قصبے قلقیلیہ کے قریب صیہونی ریاست کے ناجائز قبضے کے خلاف احتجاج کے دوران قابض صیہونی فوجیوں نے فلسطینی باشندوں پرفائرنگ کی۔
ذرائع کے مطابق قابض صہیونی فوجیوں نے فلسطینی باشندوں پر قلقیلیہ کے قریب النقار میں دیوار فاضل کے قریب فائرنگ کی جس کے نتیجےمیں ایک فلسطینی شہری زخمی ہو گیا۔فلسطینی ہلال احمر نے کہا کہ قلقیلیہ کے قریب صہیونی فوجیوں کی فائرنگ سے زخمی ہونے والے فلسطینی نوجوان کو طبی امداد کے لیے ہسپتال منتقل کرنے سے پہلے انکے عملے نے نوجوان کوفوری طبی امداد فراہم کی جسکے باعث اب زخمی ہونے والے نوجوان کی حالت بہتر ہے