(روز نامہ قدس ۔آنلائن خبر رساں ادارہ ) یوسفیہ قبرستان مشرقی بیت المقدس کا سب سے بڑا اسلامی قبرستان ہےجہاں سے گزر کےفلسطینی شہری لائنز گیٹ کے راستے مسجد اقصیٰ پہنچتے ہیں ۔
تفصیلات کے مطابق قابض ریاست میں صہیونی بلدیہ کے بلڈوزروں نے پرانے بیت المقدس کی مشرقی دیوار سے متصل وادی الجوز میں یوسفیہ قبرستان کی دیوار کو منہدم کردیا۔
صہیونی بلدیہ کی جانب سے فلسطینی شہیدوں کے قبرستان میں داخل ہوکر شہداء کے یاد گاروں کو مسمار کر نے کے ساتھ ساتھ اس جانب سے بیت المقدس پر حملہ کر نے کی سازش پر عمل در آمد کے لیے بلدیہ نے فول پروف سیکیورٹی فوج کی نگرانی میں بلڈوزروں کا استعمال کیا گیاتاہم فلسطینی عوام اور مختلف فلاحی تنظیموں سےتعلق رکھنے والے افراد کے بھر پور احتجاج کے باعث فوری طور پر بلڈوزروں کو روک دیاگیا ۔
اس حوالے سے فلسطینی باشندوں کا کہنا تھا کہ یوسفیہ قبرستان مشرقی بیت المقدس کا سب سے بڑا اسلامی قبرستان ہےجہاں سے گزر کےفلسطینی شہری لائنز گیٹ کے راستے مسجد اقصیٰ پہنچتے ہیں اور ہمارے پاس یہ صرف اتنی ہی زمین باقی ہے جہاں ہم اپنے شہیدوں کو دفن کریں ۔
خیال رہے کہ صہیونیوں نے مقبوضہ بیت المقدس کے یوسفیہ قبرستان کی دیوار مسمار کردی ہے جس کے نتیجے میں شہداء کا قبرستان نہایت غیر محفوظ حالت میں تبدیل ہوگیا ہے۔