(روزنامہ قدس ۔آن لائن خبر رساں ادارہ) مسیحی پادری عطااللہ حنانے خطیب و امام مسجد اقصیٰ سے مختصر ملاقات میں اسرائیلی پابندی پر اظہار یکجہتی کرتے ہوئے کہا ہے کہ مذہبی آزادی کے حقوق کو سلب کرنا غیر انسانی اور غیر قانونی ہے۔
تفصیلات کے مطابق فلسطین میں رومن آرتھوڈوکس عیسائی چرچ کے پادری بشپ عطااللہ حنا نے فلسطین اسلامی سپریم کونسل کے سربراہ اور خطیب و امام مسجد اقصیٰ الشیخ عکرمہ صبری سے ایک مختصر ملاقات کی ، ملاقات میں صیہونی ریاست کی جانب سے الشیخ عکرمہ صبری پر قبلہ اول میں داخلے کی پابندی کی مذمت کرتے ہوئے انکا کہنا تھا کہ مذہبی آزادی کو سلب کرنے کی کسی صورت اجازت نہیں دی جاسکتی ۔
انھوں نے امام مسجد اقصیٰ کے ساتھ اظہار یکجہتی کرتے ہوئے کہا کہ فلسطینی مسیحی اور مسلمان قابض صیہونی ریاست کے جرائم کے خلاف متحدہیں ۔