(روزنامہ قدس ۔آن لائن خبر رساں ادارہ) کورونا وائرس کے پھیلاؤ کو روکنے کیلئے بند کی گئی مسجد اقصیٰ کو فلسطینی مسلمانوں کیلئے دوبارہ کھولنے کے ساتھ ہی صیہونی آبادکاروں کے دھاوے بھی شروع ہوگئےہیں۔
عینی شاہدین کے مطابق گزشتہ روز شام انتہا پسند یہودی مذہبی لیڈر یہودا گلیک کی قیادت میں درجنوں یہودی آباد کاروں نے صیہونی فوج اور پولیس کے حفاظتی حصار میں مسجد اقصیٰ میں گھس کر تلمودی تعلیمات کے مطابق مذہبی رسومات ادا کیں جبکہ صیہونی فوج نے متعدد فلسطینی نمازیوں کو تشدد کا نشانہ بنانے کے ساتھ انہیں حراست میں لے لیا۔
اس سے قبل مسجد اقصیٰ کی جگہ مزعومہ ہیکل سلیمانی کی تعمیر کی علم بردار تنظیموں نے یہودی آباد کاروں سے اپیل کی تھی کہ وہ زیادہ سے زیادہ تعداد میں جبل المکبر میں حاضری ہو کر اجتماعی مذہبی رسومات میں حصہ لیں۔
واضح رہے غیر قانونی صیہونی آباد کار مسجد اقصیٰ کی جگہ جبل المکبر کی اصطلاح استعمال کرتے ہیں۔