(روز نامہ قدس ۔آنلائن خبر رساں ادارہ ) آبادکاروں کے منظم گروہ نے فلسطینی چرواہوں کو چاروں جانب سے گھیر کرتشدد کا نشانہ بنایا جبکہ مویشیوں کو اٹھا کر لے گئے۔
ذرائع کے مطابق گذشتہ روزمقبوضہ فلسطین میں الخلیل کے جنوبی علاقے یطہ کی وادی الثعلہ میں مذہبی جنونی آباد کاروں کےمنظم گروہ کی جانب سےفلسطینی چرواہوں پراس وقت حملہ کیا گیا جب وہ اپنے مویشیوں کے ریوڑ کو لے جارہے تھے۔
عینی شاہدین کے مطابق صہیونی مائون اورکرمئیل یہودی بستیوں سے تعلق رکھنے والے آبادکاروں نے مسافر یطہ کے علاقے میں مویشیوں کو چرانے میں مصروف فلسطینی چرواہوں پر تشدد کیا اور بڑی تعداد میں ان کے مویشی اٹھا کر لےگئے۔
خیال رہے کہ صہیونی آبادکاروں کو غاصب ریاست کی جانب سے مکمل آزادی حاصل ہے جسے استعمال کرتے ہوئے آباد کار فلسطینی باشندوں پر تشدد کرتے ہیں ان کی املاک کو صہیونی فوجیوں کی موجودگی میں برباد کر تے ہیں تاہم اپنی املاک کو آباد کاروں سے بچانے کے لیے مزاحمت کرنے والے فلسطینیوں کو قابض فوج حراست میں لے کر تشدد کا نشانہ بناتی ہے۔