(روزنامہ قدس ۔آن لائن خبر رساں ادارہ ) فلسطینی وزارت خارجہ کا کہنا ہے کہ عالمی وباء کورونا وائرس کے باعث ترکی میں پھنسے 540 متحدہ عرب امارات سے 201 اور امریکی ریاست نیویارک سے 23 فلسطینی باشندے آج فلسطین پہنچیں گے۔
وزارت خارجہ سے جاری ہونےوالے بیان میں بتایا گیا ہے کہ اردن میں بھی فلسطینی سفارتخانے فلسطینیوں کو بحفاظت ملک واپس لانے کے تمام انتطامات مکمل کرلئے ہیں ، بیان میں مزید بتایا گیا ہے کہ فلسطینی وزارت صحت کے تعاون سے مل میں واپس آنے والے تمام فلسطینیوں کا طبی معائنہ کیا جائے گا جبکہ 7 دن تک قرنطینہ میں بھی رہنا ضروری ہوگا ۔