(روز نامہ قدس ۔آنلائن خبر رساں ادارہ ) مذہبی جنونی صہیونی آبادکاروں نےایک مرتبہ پھر مسجد اقصی میں جوتوں سمیت داخل ہوکر مقدس مقامات کی بے حرمتی کی۔
ذرائع کے مطابق گزشتہ روز قابض فوج کی فول پروف سیکیورٹی میں درجنوں یہودی آباد کاروں نےایک مرتبہ پھر مسجد اقصی کےمقدس مقامات کی بے حرمتی کی۔
قابض فوج کی نگرانی میں یہودی آباد کار الگ الگ گروپوں کی شکل میں قبلہ اول میں جوتوں سمیت داخل ہوئےاور مسجد میں موجود نمازیوں کو تشدد کا نشانہ بنایا۔
خیال رہے کہ مسجد اقصیٰ پر یہودی آباد کاروں کے منظم دھاووں کا سلسلہ روز کا معمول بن چکا ہےجہاں وہ قابض فوج اور پولیس کے حفاظتی حصار میں مذہبی رسومات کی ادائیگی کے نام پر قبلہ اول کی مسلسل بے حرمتی کےمرتکب ہوتے ہیں۔