(روز نامہ قدس ۔آنلائن خبر رساں ادارہ ) صہیونی غیر قانونی جیل سے رہا ہونے والے فلسطینی نوجوان کو قابض فوج پر جھڑپوں کے دوران پتھراؤ کے الزام میں گرفتار کیا گیا تھا۔
ذرائع کے مطابق گذشتہ روز قابض صہیونی ریاست اسرائیل میں قلندیہ کیمپ کے رہائشی نوجوان مومن خالد منصور کواسرائیلی غیر قانونی پر تشدد حراست سے ایک سال چھ ماہ کی مدت کے بعد بالآخر رہا کردیا گیا۔
صہیونی عقوبت خانے سے آزادی پانے والے مومن خالد پر فلسطینی مظاہروں کے دوران جھڑپوں میں قابض فوج پر پتھراؤ کےالزا م ثابت ہونے کے بعد جیل انتظامیہ نے نوجوان کو بد ترین تشدد کا نشانہ بناتے ہوئے قید کےدوران کئی مرتبہ بد بودار اندھیری کوٹری میں بھی نظر بندکیا جہاں ان کے وکیل کو بھی ان سے ملاقات کی اجازت نہیں دی گئی تھی۔