(روزنامہ قدس ۔آن لائن خبر رساں ادارہ) صہیونی فوج کی جانب سے سرچ آپریشن کے دوران متعدد فلسطینوں کو تشدد کا نشانہ بنا یا جس کے بعد جھڑپوں میں متعدد فلسطینی باشندوں کی ہلاکتوں کا خدشہ۔
ذرائع کے مطابق گزشتہ روزمقبوضہ فلسطین میں نابلس کے مشرق میں واقع بیت دجن قصبے میں صہیونی فوج نے فلسطینیوں کے گھروں پر دھاوا بول کر نام نہاد سرچ آپریشن کی آڑ میں مقامی فلسطینی باشندوں کو گھروں سے نکال کر زدوکوب کیا اور ان کی املاک کو روائیتی توڑ پھوڑ کے زریعے شدید نقصان پہنچایا ۔
صہیونی فوج کی بے رحمانہ کارروائی کے نتیجے میں فلسطینی باشندوں نے بھی قابض فورس کے اہلکاروں پر شدید پتھراؤ کیا جس کے بعد قابض فوج نے اندھا دھند فائرنگ کرتے ہوئے فلسطینی باشندوں کو نشانہ بنایا ۔
اب تک کی اطلاعات کے مطابق فلسطینی باشندوں پرصہیونی فوج کی جانب سے اندھا دھند فائرنگ کے نتیجے میں متعدد افراد کی شہید ہونے کا خطرہ ظاہر کیا جارہا ہے۔