(روز نامہ قدس ۔آنلائن خبر رساں ادارہ )قابض فوجی اہلکار رات کے وقت فلسطینی علاقوں میں بلاجواز کارروائی کر کے بے گناہ فلسطینیوں کو گھروں سے نکال کر تشدد کا نشانہ بناتے ہیں اور ان کی املاک کو نا قابل تلافی نقصان پہنچا کر ان کی معاشی مشکلات میں اضافہ کر تے ہیں۔
تفصیلات کے مطابق گزشتہ شب مقبوضہ بیت المقدس میں قابض صہیونی فوج کی جانب سے شعفاط کیمپ پر دھاوا بولاگیا جس کے نتیجے میں صہیونی فوجی اہلکاروں نے علاقے کو گھیرے میں لے کر گھر گھر تلاشی کے بہانے فلسطینی باشندوں کو تشدد کا نشانہ بنایا جبکہ روائیتی لوٹ مار کرتے ہوئے ان کی املاک کونقصان پہنچایا ۔
اس لوٹ مار کے نتیجے میں درجنوں فلسطینیوں کے مکانوں اور دکانوں کو بھاری نقصان پہنچا جبکہ تشدد کانشانہ بننے والے درجنوں افراد کو صہیونی فوجیوں نے گرفتار کرکے نامعلوم مقام پر منتقل کر دیا۔