(روز نامہ قدس ۔آنلائن خبر رساں ادارہ ) صہیونی زندان میں تشدد کا شکا ر مظلوم فلسطینی بغیر کسی جرم کے اپنے خاندان سے دور پابند سلاسل۔
تفصیلات کے مطابق مقبوضہ فلسطین میں غاصب صہیونی جیلوں میں اپنی زندگی کے قیمتی20 سال صہیونی بدترین تشدد میں گزارنے والا مظلوم فلسطینی شمالی حائفہ شہر کا رہائشی 42 سالہ عماد راجح مصطفى سرحان جسے2002/20/01 کو صہیونی فوج کی پر تشدد کارروائی کے دوران گھر گھر تلاشی کے نتیجے میں حراست میں لیا گیا تھا ا ور بلا جواز اس گرفتاری کے بعد صہیونی جیل حکام نے عماد راجح مصطفى سرحان کو عمر قید میں ڈال دیا ۔
واضح رہے کہ مجبور فلسطینی نوجوان عماد راجح مصطفى سرحان کی قید کو 20برس گزر چکے ہیں تاہم ابھی تک قیدی کے جرم کے حوالے سے کوئی ثبوت سامنے نہیں آسکا ہےاور جابر صہیونی جیل حکام عماد راجح مصطفى سرحان کی قید میں کسی قسم کی نرمی کے لیے تیار نظر نہیں آتی۔