فلپ لازارینی: غزہ میں قحط سب سے بڑی مصیبت، ہر طرف جہنم برپا

(روزنامہ قدس ـ آنلائن خبر رساں ادارہ) اقوام متحدہ کی فلسطینی پناہ گزینوں کی امدادی ایجنسی ’انروا‘ کے کمشنر جنرل فلیپ لازارینی نے خبردار کیا ہے کہ غزہ کی پٹی میں قحط شدت اختیار کر رہا ہے اور وہاں جہنم اپنی تمام شکلوں میں ظاہر ہو رہا ہے۔

لازارینی نے اتوار کے روز اپنے بیان میں کہا کہ قحط غزہ کے عوام کو درپیش تازہ ترین اور سب سے ہولناک آفت بن کر ابھرا ہے۔

انہوں نے زور دے کر کہا کہ دنیا کا وہ نعرہ جس میں کہا گیا تھا کہ "یہ دوبارہ کبھی نہیں ہوگا” آج پھر جان بوجھ کر دہرایا جا رہا ہے اور یہ حقیقت پوری دنیا کو ہمیشہ ستاتی رہے گی۔ لازارینی نے مزید کہا کہ انکار انسانیت سلب کرنے کی بدترین شکل ہے۔

انہوں نے قابض اسرائیلی حکومت پر زور دیا کہ وہ جھوٹے بیانیے گھڑنے کا سلسلہ بند کرے اور انسانی تنظیموں کو بغیر کسی رکاوٹ کے امداد پہنچانے کی اجازت دے۔ ساتھ ہی انہوں نے مطالبہ کیا کہ عالمی صحافیوں کو آزادانہ طور پر غزہ کے اندر جا کر حالات کی کوریج کرنے دی جائے تاکہ دنیا حقیقت سے آگاہ ہو سکے۔