(روز نامہ قدس ۔آنلائن خبر رساں ادارہ ) تینوں نئے مریضوں کا تعلق غرب اردن کے جنوبی شہر بیت لحم سے ہے ، وائرس کے خطرے کے تحت رام اللہ شہر میں غیر معینہ مدت کے لئے سماجی اور غیر نصابی سرگرمیوں پر پابندی عائد ۔
فلسطینی اتھارٹی کی وزارت صحت کے ترجمان ابراہیم ملحم نے کہا بیت لحم گورنری میں وائرس سے متاثرہ 50 نمونوں کے لیبارٹری ٹیسٹ کے نتائج سے معلوم ہوا ہے کہ ان میں سے تین افراد کورونا وائرس سے متاثر ہیں، تینوں نئے متاثرین کا تعلق غرب اردن کے جنوبی شہر بیت لحم سے ہے ، فلسطین کے سرکاری اعدادو شمار کے مطابق فلسطین میں کرونا وائرس کے کل مریضوں کی تعداد 29 ہوگئی ہے۔
وزارت صحت کے ترجمان کے مطابق کورونا وائرس ے متاثر 28 افراد کا تعلق بیت لحم جبکہ ایک مریض کا تعلق شمالی شہر طولکرم سے ہے،وزارت صحت کی سنٹرل لیبارٹری کی طرف سےمنگل کو جاری کیے گئے لیبارٹری ٹیسٹ کے نتائج میں بتایا گیا کہ طولکرم کے رہائشی ایک شہری میں کرونا وائرس کی تصدیق کی گئی ہے۔