(روزنامہ قدس ۔آن لائن خبر رساں ادارہ) گزشتہ چوبیس گھنٹوں کے دوران 150 مشتبہ مریضوں کی ٹیسٹ رپورٹس جاری کی گئیں جن میں کرونا کو کائی ٹیسٹ مثبت نہیں آیا۔
فلسطینی حکومت کے ترجمان ابراہیم ملحم نے رام اللہ میں ایک نیوز کانفرنس سے خطاب میں کہا کہ اب تک فلسطینی علاقوں میں مجموعی طورپر کرونا کے 263 کیسز رپورٹ ہوئے ہیں تاہم فلسطینی اتھارٹی کے زیرانتظام علاقوں میں کرونا کا کوئی نیا کیس سامنے نہیں آیا ہے۔
ترجمان نے بتایا کہ گزشتہ چوبیس گھنٹوں کے دوران 150 مشتبہ مریضوں کی ٹیسٹ رپورٹس جاری کی گئیں جن میں کورونا کو کائی ٹیسٹ مثبت نہیں آیا۔
ترجمان نے عوام الناس سے اپیل کی کہ وہ اپنے گھروں میں رہنے کے احکامات کی سختی سے پابندی کریں اور ہنگامی حالت کے نفاذ پرعمل درآمد یقینی بنائیں۔
واضح رہے کہ فلسطین کے مقابلے میں صیہونی ریاست میں کورونا وائرس سےمتاثرین میں تیزی سے اضافہ دیکھنے میں آرہا ہے اور اب تک قابض ریاست میں خطرنا ک وائرس سے ہلاک ہونے والے صیہونیوں کی تعداد 72 ہے جبکہ 10 ہزار کے قریب متاثرہیں ۔