(روز نامہ قدس ۔آنلائن خبر رساں ادارہ ) وزارت صحت نے کہا ہے کہ جنوبی کوریا کے ایک وفد نے فلسطین کا دورہ کیا تھا جس میں بعض افراد اس وائرس سے متاثر تھے ، وفد فلسطین سے جا چکا ہے تاہم اس خطرناک وائرس کے پھیلنے کے خطرات موجود ہیں جس کے لئے احتیاطی تدابیر ناگزیر ہیں.
فلسطینی وزارت صحت کی جانب سے جاری انتباہی بیان میں خبردار کیا گیا ہے کہ جنوبی کوریا کے ایک و فد نے 8 سے15 فروری کے وران مقبوضہ فلسطین کے مختلف شہروں جن میں بیت المقدس، نابلس، اریحا، بیت لحم اور الخلیل کے شہر شامل ہیں ان کا دوراہ کیا تھا ، وفد کے واپس جانے پرمعلوم ہوا ہے اس وفد میں بعض افراد خطرناک "کوروناوائرس” سے متاثر تھے ۔
وزارت صحت کی طرف سےجاری بیان میں خبردار کیا ہے کہ جنوبی کوریائی وفد کے دورے کے نتیجے میں فلسطین میں "کرونا وائرس پھیل سکتا ہے۔
وزارت صحت کی طرف سے کہا گیا ہے کہ وہ تمام افراد جنہوں نے کوریائی وفد کے قریب 15 منٹ گذارے یا ان کے ساتھ مصافحہ کیا وہ کم سے کم 14 دن کے لیے اسپتالوں میں اپنا تفصیلی معائنہ کرائیں اور اس دوران وہ اپنے اہل خانہ یا کسی دوسرے افراد کے ساتھ ہاتھ ملانے یا ان کے قریب رہنے سے سختی سے گریز کریں۔بیان میں شہریوں سے کہا گیا ہے کہ کرونا سے متاثر ہونے کے شبے کی صورت میں فوری طورپر قریبی طبی مرکز سے رجوع کریں۔