(روزنامہ قدس ۔آن لائن خبر رساں ادارہ )فلسطینی خاتون وزیر صحت می کیلہ کے مطابق فلسطینی علاقوں میں کورونا وائرس کے مریضوں کی تعداد میں واضح کمی واقع ہوئی ہے جب کہ صحت یاب ہونے والے مریضوں کی تعداد میں اضافہ دیکھنے میں آیا ہے۔
ذرائع کےمطابق فلسطینی خاتون وزیر صحت می کیلہ نےایک پریس کانفرنس میں کورونا وائرس سے متعلق تفصیلی صورت حال پر روشنی ڈالتےہوئےبتایا کہ فلسطین میں اس عالمی وباء کے صحت یاب ہونے والے مریضوں کا تناسب کل مریضوں کا 48 فیصدہے جبکہ گذشتہ روز سامنے آنے والے 44 اعشاریہ 9 فیصد کیس القدس میں سامنے آئے۔
مزید القدس اور دیگر فلسطینی علاقوں میں کرونا وائرس کے 3294 مشتبہ افراد کے ٹیسٹ لیے گئے تھے جن میں سے 229 کورونا وائرس کےکیسزکی رپورٹ مثبت آئی ہے
اب تک کی معلومات کے مطابق نابلس میں 18، بیت لحم میں 19، الخلیل میں 243، القدس کے اطراف میں 150 جبکہ القدس شہر میں 236 مریض صحت یاب ہوئے۔