(روزنامہ قدس ۔آن لائن خبر رساں ادارہ ) مقبوضہ بیت المقدس میں نہتے فلسطینیوں کے خلاف صہیونی ریاستی مظالم جاری ، صہیونی فوج نے گزشتہ تین ماہ سے فلسطینی کاشتکاروں کو اپنی زمینوں پر جانے پر پابندی عائدکررکھی ہے جس کے باعث سیکڑوں خاندان اپنے روزگار سے بھی محروم ہوگئے ہیں جبکہ دوسری جانب زرعی زمینوں پر دیکھ بھال نا ہونے کی صورت میں فصلیں تباہ ہورہی ہیں۔
مقامی ذرائع کا کہنا ہے کہ صہیونی فوج نے مقبوضہ فلسطین کے مغربی کنارے کے شہر سلفیت کے فلسطینی کاشتکاروں پر گزشتہ تین ماہ سے زرعی زمینوں پر جانے کی پابندی عائد کی ہوئی ہے ، قابض فوج نے فلسطینی آبادی کے درمیان خاردار باڑ لگاکر کاشتکاروں کو زرعی زمینوں میں داخل ہونے سے روکا ہوا ہے جس کے نیجے میں جہاں دیکھ بھال نا ہونے کے باعث فصلیں تباہ ہورہی ہیں وہیں سیکڑوں خاندان روزی روٹی سے بھی محروم ہورہے ہیں ۔