(روز نامہ قدس ۔آنلائن خبر رساں ادارہ ) فلسطینی وزیراعظم کا کہنا ہے کہ جب تک نئی حکومت تشکیل نہیں دی جاتی ہے اس وقت تک حکومت اپنے تمام اختیارات کے ساتھ اپنی ذمہ داریوں کو جاری رکھے گی۔
فلسطینی وزیراعظم محمد اشتیہ نے صدر محمود عباس اور فلسطینی الیکشن کمیشن کے چیئرمین حنا ناصر کے درمیان ملاقات اور پھر انتخابات کے شیڈول کے اعلان کا خیر مقدم کرتے ہوئے کہا ہے کہ تمام فلسطینی دھڑوں کے اتفاق سے طے پائے جانے والے مرحلہ وار انتخابات سے ثابت ہوا ہے کہ ہم سب ایک پیج پر ہیں۔
انھوں نے فلسطینی حکومت کی ہر اس اقدام اور فیصلے پر حمایت اور آمادگی کا اظہار کیا جس سے انتخابی عمل کو سالمیت اور شفافیت کے ساتھ انجام دینے میں مدد ملے گی ، جس سے وہ اکثریت اور قومی شراکت داری کو حاصل کرسکیں۔
انھوں نے بتایا کہ فلسطین کے بنیادی قانون کے آرٹیکل 83 کی دفعات کے مطابق، جب تک منتخب قانون ساز کونسل اپنے اختیارات کے تحت اپنی ذمہ داریوں کو نہ سنبھالے اس وقت تک نئی حکومت تشکیل نہیں دی جاتی ہے اس وقت تک حکومت اپنے کام کی ذمہ داری برقرار رکھے گی اور اپنے تمام اختیارات کے ساتھ اپنے کاموں کا استعمال کرے گی۔