(روزنامہ قدس ۔آن لائن خبر رساں ادارہ) صہیونی فوجی عدالت نے صہیونی فوجیوں پر چاقو سے حملہ کرنے کے الزام میں قید فلسطینی نوجوان کی قید کو عمر قید میں تبدیل کردیا۔
فلسطین میں انسانی حقوق کے لیے کام کرنے والے اداروں کے مطابق اسرائیل کی عوفر نامی ایک فوجی عدالت نے اسیر عمر سمیر الریماوی کی 35 سال قید کی سزا کو تا حیات عمر قید سزا میں تبدیل کردی ہے۔ عدالت نے الریماوی کے دوسرے ساتھی اسیر احمد ایوب عبید کی 32 سال قید کی سزا کو برقرار رکھا ہے۔
اسرائیلی فوجی عدالت نے 19 سالہ اسیر سمیر الریماوی اور اس کے ساتھ احمد ایوب عبیدہ کی سزا میں اضافے کے حوالے سے دی گئی درخواست پرعمل درآمد کرتے ہوئے اول الذکر کی 35 سال قید کی سزا کو عمر قید میں تبدیل کردیا ہے جبکہ دوسرے اسیر کی بتیس سال قید کی سزا برقرار رکھی ہے۔
دونوں کو اسرائیلی فوج نے 18 فروری 2015ء کو ایک یہودی آباد کار کو ہلاک کرنے کے الزام میں گولیاں مار کر زخمی حالت میں گرفتار کیا تھا، ان کے ایک تیسرے ساتھی 18 سالہ ایھم باسم صباح کو بھی گرفتار کیا گیا اور یہودی آباد کار کو چاقو کے وار سے ہلاک کرنے میں معاونت کے الزام میں 35 سال قید کی سزا سنائی گئی تھی۔