(روز نامہ قدس ۔آنلائن خبر رساں ادارہ ) قابض صیہونی فوج نے صیہونی حکام کی جانب سے جبری طورپر بند کی گئی سڑک کو دوبارہ کھولنے کیلئے کئے جانے والے احتجاجی مظاہرے پر طاقت کا بے دریغ استعمال کرتے ہوئے 5 فلسطینیوں کو زخمی جبکہ متعدد کو گرفتارکرلیا۔
مقامی ذرائع کے مطابق گذشتہ روز مقبوضہ مغربی کنارے کے شمالی شہر قلقیلیہ میں کفرقدوم کے مقام پر فلسطینیوں نے صیہونی حکام کی جانب سے جبری طور پر 17 سال سے بند سڑک کھولنے کے لیے احتجاجی مظاہرہ کیا جس کو روکنے کیلئے قابض فوج نے طاقت کا بے دریغ استعمال کرتے ہوئے براہ راست فائرنگ اور آنسو گیس کی بے تحاشہ شیلنگ کی جس کے نتیجےمیں پانچ فلسطینی نوجوانوں کے زخمی ہونےکی اطلاع ہے جبکہ قابض فوج نے متعدد مظاہرین کو گرفتارکرکے نامعلوم مقام پر منتقل کردیا بعض پر بھاری جرمانے عائد کیے گئے ہیں۔
واضح رہے کہ گذشتہ 17 سال سےقلقیلیہ اور نابلس کو ملانے والی سڑک کی بندش کے خلاف کفرقدوم کے مقام پر فلسطینی شہری گذشتہ 9 سال سے ہفتہ وار مظاہرے کرتے ہیں،قابض فوج نے کفر قدوم کو ملانے والی اس مرکزی شاہراہ کو مسلسل بندکر رکھا ہے۔