(روز نامہ قدس ۔آنلائن خبر رساں ادارہ ) فلسطینی باشندے صیہونی ریاست کی جانب سے گزشتہ 16 سال سے بند ایک شاہراہ کے کھولے جانے اور یہودی آباد کاری کے خلاف احتجاج کررہے تھے اس دوران قابض صیہونی فوج نے مظاہرین پر فائرنگ کردی جس کے نتیجےمیں 20فلسطینی زخمی ہوگئے۔
فلسطینی امدادی ادارے ہلال احمر کے مطابق فلسطین کے مقبوضہ مغربی کنارے کے شمالی شہر نابلس کے قصبے کفر قدوم کے مقام پر فلسطینیوں کی جانب سے یہودی آباد کاری نابلس میں گزشتہ 16 سالوں سے سے بند ایک شاہراہ کے کھولے جانے کے مطالبے پر احتجاجی مظاہرہ کیا جارہا تھا جس کو روکنے کیلئے قابض اسرائیلی فوج نے پرامن مظاہرین پر فائرنگ کردی ۔
اسرائیلی فوج نے ریلی کو منتشر کرنے کے لیےان پر آنسوگیس کی شیلنگ اور براہ راست فائرنگ کی جس کے نتیجے میں کم سے کم 20 فلسطینی زخمی ہوگئے، اسرائیلی فوج نے فلسطینی مظاہرین کو منتشر کرنے کے لیے اشک آور گیس کی شیلنگ کے علاوہ صوتی بموں کا بھی استعمال کیا۔