(روز نامہ قدس ۔آنلائن خبر رساں ادارہ ) فلسطینی مزاحمت کاروں نے قابض فوجیوں پر سنگ باری کی اور دونوں جانب سے فائرنگ کی گئی، صیہونی فوج کی آنسو گیس کی شیلنگ سے متعدد شہریوں کے زخمی ہونےکی اطلاعات ہیں۔
مقامی ذرائع کے مطابق قابض صیہونی فوجیوں نے مقبوضہ مغربی کنارے کے شمالی شہر جنبہ میں الناصرہ اور جنین کو ملانے والی شاہراہ پر الجلمہ فوجی چوکی کے قریب نام نہادتلاشی کے نام پر فلسطینیوں کو تشدد کانشانہ بنایا جس کے ردعمل میں فلسطینی مزاحمت کاروں نے قابض فوجیوں پر سنگ باری کی، اسرائیلی فوج کی جانب سے فائرنگ کے بعدمزاحمت کاروں نے بھی فائرنگ کی تاہم اس میں کسی کے زخمی ہونے کی اطلاع نہیں ملی تاہم قابض فوج کی جانب سے بے تحاشہ آنسو گیس کی شیلنگ سے دم گھٹنے کے بعد متعدد مکین بے ہوش ہوگئے جنہیں طبی امداد کیلئے قریبی اسپتال منتقل کیا گیا۔
بعد ازاں قابض فوج نے بھاری نفری کےساتھ علاقے کا محاصرہ کیا بڑے پیمانے پر گرفتاریاں کیں اور سیکیورٹی کیلئے نصب کئے گئے سی سی ٹی وی کیمراز ضبط کرلیے۔