غزہ (روز نامہ قدس ۔آن لائن خبر رساں ادارہ) فلسطین کی مذہبی اور سیاسی جماعتوں کے ساتھ ساتھ سول سوسائٹی کی تنظیموں نے اسرائیلی ریاست کے ساتھ عرب ممالک کے تعلقات کے قیام کی کوششیں ناکام بنانے کے ساتھ ساتھ ’’اوسلو‘‘ معاہدہ منسوخ کرنے کا مطالبہ کیا ہے۔
روز نامہ قدس کو موصول ہونے والی اطلاعات کے مطابق فلسطینی قوتوں کی طرف سے جاری ایک مشترکہ بیان میں کہا گیا ہے کہ قضیہ فلسطین اس وقت نازک دور سےگزر رہا ہے۔ ایسے میں پوری فلسطینی قوم کو مل کر اسرائیل کے ساتھ دوستانہ تعلقات کے قیام کی مہمات کی روک تھام کرنا ہوگی۔
بیان میں مزید کہا گیا ہے کہ تمام فلسطینی قوتیں اپنی تمام توانائیاں اسرائیلی ریاست کے محاصرے اور اسے عالمی اور علاقائی تنہائی پر صرف کرنا ہوں گی۔
بیان میں کہا گیا ہے کہ اسرائیل کے ساتھ ’’ نارملائزیشن‘‘ کو جرم قرار دیا جائے اور اوسلو معاہدے کی منسوخ کی کوششیں تیز کی جائیں۔ فلسطینی اتھارٹی اور رام اللہ حکومت اسرائیل کے ساتھ جاری سیکیورٹی تعاون سمیت ہر طرح کے تعلقات ختم کرے۔
فلسطینی تنظیموں کی جانب سے عرب ممالک پر بھی زور دیا گیا ہے کہ وہ اسرائیل کے ساتھ دوستانہ تعلقات کے قیام کی تگ و دو کے بجائے فلسطینی قوم کے حقوق کی حمایت کریں۔