(روزنامہ قدس ۔آن لائن خبر رساں ادارہ) گزشتہ ایک ماہ کے دوران صیہونی فوج نے فلسطینی بچوں کوگرفتارکرکے ان پر بھاری جرمانے عائد کرتے ہوئے ہزاروں شیکل (اسرائیلی کرنسی ) اینٹھ لئے ہیں۔
مقبوضہ فلسطین میں فلسطینی قیدیوں کی تفصیلات فراہم کرنے والے ادارے نے اپنی رپورٹ میں انکشاف کیا ہے کہ اسرائیل کی بدنام زمانہ’عوفر’ جیل میں قید فلسطینی بچوں سے گزشتہ سال دسمبر کے مہینے میں 54 ہزار شیکل کی رقم لوٹ لی گئی۔
بیان میں کہا گیا ہے کہ گزشتہ ماہ ‘عوفر’ جیل میں 38 فلسطینی بچوں کو قید کیا گیا جس کے بعد اس جیل میں قید بچوں کی تعداد بڑھ کر 82 ہوگئی، ان بچوں کو دو الگ الگ بیرکوں میں رکھا گیا ہے۔گذشتہ ماہ 20 بچوں کو ایک ہفتے سے 23 ماہ کے درمیان قید کی سزائیں سنائی گئیں جب کہ ایک بچے کو چار ماہ کی قابل توسیع انتظامی قید کی سزا سنائی گئی۔گذشتہ برس 379 فلسطینی بچوں کو ‘عوفر’ جیل میں قید کیا گیا اوران سے 5 لاکھ 13 ہزار 100 شیکل جرمانہ کیا گیا۔