(روزنامہ قدس ۔آن لائن خبر رساں ادارہ) عباس ملیشیا نے حالیہ اسرائیلی جیل سے رہا ہوکر آنیوالے حماس رہنما کو بغیر کسی جرم کے گرفتارکرلیا۔
مقبوضہ فلسطین کے مغربی کنارے میں صدر محمود عباس کی ملیشیا نے قابض صیہونی ریاست اسرائیل کے خلاف برسرپیکار اسلامی تحریک مزاحمت ‘حماس’ کے 44 سالہ رہ نما الشیخ ایاد ناصر جو حالیہ ہی اسرائیل کی غیر قانونی انتظامی حراست کی پالیسی کے تحت سزا کاٹ کر رہا ہوئے تھے ان کو غرب اردن کے شمالی علاقے طولکرم کے شویکہ قصبے میں تلاشی کے دوران گرفتارکرلیا ہے ۔
خیال رہے کہ الشیخ ایاد ناصر سابق اسیر ہیں اور کئی سال اسرائیلی زندانوں میں قید رہ چکے ہیں۔ فلسطینی اتھارٹی بھی انہیں متعدد بارسیاسی بنیادوں پرحراست میں لے چکی ہے۔