(روز نامہ قدس ۔آنلائن خبر رساں ادارہ ) قابض ریاست میں فلسطینی نوجوانوں نے صہیونی فوج کی جارحانہ کارروائی کو ناکام بناتے ہوئے فوجی گاڑی کو آگ لگادی۔
ذرائع کے مطابق گزشتہ روز قابض ریاست میں مقبوضہ بیت المقدس کے علاقے العیسویہ میں غاصب صہیونی فوج کی جانب سے دہشت گردانہ کارروائی کی گئی جس کے نتیجے میں متعدد افراد کو تشدد کا نشانہ بنایا گیا تاہم فلسطینی نوجوانوں کی جانب سے جواب دیتے ہوئے پتھراؤ اور پیٹرول بموں کا استعمال کیا گیا۔
فلسطینی باشندوں کے خود ساختہ بچاؤ کے ہتھیار پیٹرول بمو ں کے ذریعے صہیونی فوجی گاڑی کو نشانہ بنایا گیا جس کے نتیجے میں صہیونی گاڑی آگ کی لپیٹ میں آکر مکمل تباہ ہوگئی۔
خیال رہے کہ صہیونی دہشتگرد فوج ریاستی حکام کی اجازت سے فلسطینی آبادی والے علاقوں میں رات گئے تک گشت کرتی ہے اور شک کی بنیاد پر کسی بھی علاقے میں داخل ہوکر دہشتگردانہ کارروائیاں کرنے کیلئے آزاد ہیں۔