(روز نامہ قدس ۔آنلائن خبر رساں ادارہ ) فلسطینی علاقے میں قابض فوج نےصہیونی آباد کاروں کے لیےغیر قانونی چوکی کے خلاف نکالی جانے والی ریلی پر آنسو گیس اور ربر کی گولیا ں برسائیں۔
تفصیلات کے مطابق گذشتہ روز شمالی مغربی کنارے میں نابلس کے مشرق میں واقع بیت دجن قصبے میں قائم کی گئی غیرقانونی آباد کاروں کی چوکی کے خلاف مقامی فلسطینی باشندوں کی جانب سے ریلی نکالی جس پر صہیونی فوج کی جانب سے بڑی مقدار میں ربر کی دھاتی گولیاں برسائی گئیں جس کی زد میں آکر متعدد افراد کے زخمی ہونے کی اطلاعات موصول ہوئی ہیں۔
ریلی میں شریک عوام پر صہیونی فوج کے تشدد کے نتیجے میں نوجوانوں اور فوج کے درمیان پر تشدد جھڑپیں شروع ہوگئیں اور درجنوں فلسطینیوں کو حراست میں لیتے ہوئے قابض فوج نے بھاری مقدار میں لوگوں پر آنسو گیس کی شیلنگ کی جس کے باعث لوگوں کو منتشر ہونا پڑا۔
مزید اطلاعات کے مطابق صہیونی فوج کی فلسطینیوں کی ریلی پر آنسو گیس کے باعث متعدد افراد کو سانس لینےمیں شدید تکلیف کی وجہ سے ہسپتال منتقل کیا گیا ہے جہاں انہیں طبی امداددی جارہی ہیں۔
خیال رہے کہ 2012 سے اب تک فلسطینیوں کی ملکیتی زمینوں پر 32 کے قریب نئی صہیونی چوکیاں تعمیر کی گئی ہیں جن میں سے زیادہ ڈونلڈ ٹرمپ کی جانب سے امریکہ کا صدر منتخب ہونے کے بعد بنائی گئی تھیں۔