(روزنامہ قدس ۔آن لائن خبر رساں ادارہ) عباس ملیشیا نے کورونا وائرس سے متاثر ہونےو الے فلسطینیوں میں امدادی سامان تقسیم کرنے پر سرکردہ فلسطینی سماجی کارکن کو گرفتارکرلیا۔
فلسطینی وکلاء برائے انصاف گروپ کی طرف سے جاری ایک بیان میں بتایا گیا ہے کہ فلسطینی اتھارٹی کی ماتحت ایک عدالت نے کورونا کی وبا کے دوران شہریوں میں امدادی سامان اور خوراک تقسیم کرنےوالے ایک سرکردہ سماجی کارکن کا ٹرائل شروع کر دیا ہے۔ فلسطینی سیاسی اور سماجی کارکن ایاد ناصر کو دو روز قبل عباس ملیشیا نے غرب اردن کے شہر طولکرم سے حراست میں لیا تھا۔
گزشتہ روز انھیں شہر کی عدالت میں پیش کیا جہاں عدالت نے اس کے جوڈیشل ریمانڈ میں مزید 3 دن کی توسیع کردی۔
جاری بیان میں کیا ہے کہ تنظیم کے وکلاء نے ایاد ناصر کو گرفتاری کے بعد عباس ملیشیا کی جانب سے تشدد کا نشانہ بنایا ہے۔