(روزنامہ قدس ۔آن لائن خبر رساں ادارہ) ایک کارروائی میں تین سوڈنی تارکین وطن کو فلسطین میں داخلے کی کوشش کے دوران پکڑا گیا جبکہ دوسری کارروائی میں حولا کے مقام پر فلسطینی علاقوں میں داخل ہونے کی کوشش کے دوران گرفتار کیا گیا۔
لبنان کی مسلح افواج کی طرف سے جاری کردہ ایک بیان میں کہا گیا ہے کہ سرحدی حفاظتی فوجی دستے نے دو مختلف کارروائیوں میں غیرقانونی طور پر سرحد عبور کرکے فلسطین داخل ہونے کی کوشش کرنے والے 5 سوڈانی پناہ گزینوں کو حراست میں لیا ہے ۔
پہلی کارروائی فلسطین کی سرحد سے متصل ایک چوکی کے قریبی علاقے خلہ وردہ کے مقام پر کی جہاں تین سوڈانیوں کو مقبوضہ فلسطین میں داخلے کی کوشش کے دوران انہیں حراست میں لے لیاجبکہ دوسری کارروائی میں حولا کے مقام پر دو سوڈانیوں کو فلسطینی علاقوں میں داخل ہونے کی کوشش کے دوران گرفتار کیا گیا۔