(روز نامہ قدس ۔آنلائن خبر رساں ادارہ ) وزارت صحت نے بتایا ہے کہ گزشتہ چوبیس گھنٹوں میں کورونا سے متاثر 12 افراد جاں بحق ہوگئےجبکہ 1015 نئےمریضوں کی تصدیق کی گئی ہے جس کے بعد شہر میں متاثرین کی مجموعی تعداد 31،161 تک پہنچ گئی ہے۔
غزہ میں وزارت صحت کی جانب سے جاری کردہ رپورٹ میں بتایاگیا ہے کہ مقبوضہ فلسطین کے محصور شہر غزہ میں گزشتہ چوبیس گھنٹوں کے دوران عالمی وباء نے 12 افراد کی جان لے لی جبکہ 1015نئے مریضوں کو متاثر کیا ، رپورٹ میں بتایا گیا ہے کہ 24 گھنٹوں کے دوران 2،474 ٹیسٹس کئے گئے جن میں سے 1015 کے نتائج مثبت آئے ، غزہ میں وائرس سے ہلاک ہونے والوں کی مجموعی تعداد 232 ہوگئی ہے۔
وزارت صحت نے بتایا کہ اس وقت شہر میں فعال کیسز کی کل تعداد 9،109 ہے ، جن میں سے 329 کو اسپتال میں طبی دیکھ بھال کی ضرورت ہے ، جن میں سے 215 سنگین نوعیت کے کیس ہیں۔